Del

Cicilily

Del

珍寶珠

我都吾中意我男友既前度。係好憎果種。

Abbybububu

其實又有邊個會中意自己男人嘅ex吖…
由其曾經對自己男人唔好嗰啲
係咁愛嘅就唔該一齊嗰陣對人好啲,咁咪唔會散囉
散咗仲要喺人地搵到第二個重新開始嗰陣先喺度話好掛住好唔捨得放唔低嗰啲
其實博乜?

ChinMan

分左手就應該避嫌，保持距離，最好斷得乾乾淨淨
其實你男朋友點會唔知佢個EX想點
係睇佢想唔想，會唔會去令你安心姐
況且一個巴掌拍唔響，就算個EX幾CHEAP都好
只要你男朋友態度堅定，俾個「我好愛我女朋友」既SIGNAL對方
咁對方做咩都冇用

Cicilily

Abbybububu 發表於 2014-10-20 19:16
其實又有邊個會中意自己男人嘅ex吖…
由其曾經對自己男人唔好嗰啲
係咁愛嘅就唔該一齊嗰陣對人好啲,咁咪唔 ...

有既時候唔珍惜
無左走黎lur
雖然我男朋友曾對佢唔住 但之後都對佢好好 「分手」之後都做左大半年mug都還夠啦

Cicilily

tszki_k 發表於 2014-10-20 19:30
分左手就應該避嫌，保持距離，最好斷得乾乾淨淨
其實你男朋友點會唔知佢個EX想點
係睇佢想唔想，會唔會去令 ...

衰就衰左我男朋友真心蠢 又hea成日諗住嗌完交哄返我唔再提就無事

Abbybububu

Cicilily 發表於 2014-10-20 23:22
引用:

Abbybububu 發表於 2014-10-20 19:16
其實又有邊個會中意自己男人嘅ex吖…
由其曾經對自己男人唔好嗰啲
係咁愛嘅就唔該一齊嗰陣對人好啲,咁咪唔 ...


有既時候唔珍惜
無左走黎lur
雖然我男朋友曾對佢唔住 但之後都對佢好好 「分手」之後都做左大半年mug都還夠啦

其實用到還呢個字就真係冇意思…
人地有心想一齊嗰陣你又玩玩下
到人地放棄你先喺度lur真係好幼稚
你唔move on人地都要
難聽啲講冇同你一齊都花咗咁多時間喺你身上仲想點

前度真係最麻煩嘅生物…

disneyfication

而家至慘係你check過佢facebook, whatsapp, 一定有條刺...
可以既話第一樣野唔好check, 如果唔係你仲嬲...

Veronica05

其實問題係你男朋友身上
如果佢愛你
又點會繼續理下ex呢

sis 早飛早走為妙

chloean

個人認為..EX係知佢有左女朋友,佢又係EX咪做埋小動作..令到你地鬧交,樓主唔好成日同男朋友拗交呀..唔係就比奸人得逞~其實邊有可能唔比返張卡佢架!叫你男朋友問佢拎返啦..
不過..樓主男朋友如果可以老實D同EX講樓主其實唔鐘意就好啦..不過可能怕尷尬?

pansy leung

(希望你唔好介意) 老實講, 個ex有問題 , 但你男友好似唔太識得避忌點寫, 另外, 如果個男人係真係好愛你, 唔會希望你受傷, 好多野好似以前sis咁講. 一隻手掌拍唔響, 加上佢地4年感情, 未放低亦不出奇~ 所以你應該諗清楚, 你而家check得佢whatsapp 等等, 一段關係當中,信任係好緊要 , 如果而家都冇信心 , 點繼續落去? 哩樣先係你先要諗清楚既野, 因為你話佢個ex cheap係冇用~ 幫唔到件事, (我知道好多ex都好cheap , 因為佢地出於唔甘心,想繼續扯住個男人唔放而已) , 所以唯一可以令有安全感d既,都係你男友, 睇佢未來會點做, 而你都要比機會/時間佢^^ 希望幫你到喇!

meiwaic

早走早著啦
係我就頂唔順，就算有幾愛佢都好 咁樣我都覺得好痛苦！再唔係同佢ex傾下叫佢以後唔好搵佢

Yobbee

ex真系好討厭~

骨精妹

個問題其實唔止向你男友個ex身上, 都係向你同你男友身上。無錯, 其實你都有責任。

因為向你同你男友一齊前已經知佢地未settle好晒, 佢地兩個人既問題未解決而你又牽涉左落去, 變相就係你要負責埋呢啲問題。明白嗎? 照咁睇問題都幾複雜, 睇你接受程度去到邊了~

Summer816

其實個男仔會點處置佢同個ex嘅關係，好睇佢有幾成熟同幾愛你。成熟嘅男人會覺得，既然分左手冇乜keep contact 嘅必要，更唔會明知影響感情都要繼續做“朋友“。而一個夠愛你嘅男人，就算幾唔捨得果段曾經幾刻骨銘心嘅愛情，佢會知道過左去就過左去，既然選擇左同你一齊，佢會為左令你安心而做好自己本份。我想，其實你明白的。

Toby Ng

最重要係睇你男朋友點樣決定同 ex 嘅關係，清清楚楚先唔會比人誤會啦。
同番 ex 做朋友唔係唔得，但影響到現任女朋友嘅關係就唔得喇。。加上明知呢個 ex 啲行為舉動都有啲曖昧，就撇脫啲斬纜最好嘞，以免影響現時嘅感情就得不常失啦。。

kodiewong

等佢地拖拉完先啦，check得佢電話一次就會有條癮想繼續check...
唉，同意前度是史上最麻煩年物。

BilibelLa

骨精妹 發表於 2014-10-21 16:36
個問題其實唔止向你男友個ex身上, 都係向你同你男友身上。無錯, 其實你都有責任。

因為向你同你男友一齊前 ...

講到尾，做得第三者有d野係預左，例如預左個男人會因為ex而同你嘈，預左會影響感情，呢樣野，好現實講一句，自己攞黎。你仲要做左兩次，希望你得到教訓。

成日話個男朋友好錫你，究竟錫你既定義係咩黎？會花時間花心思去討好你氹你？

其實更應該去考慮既，唔係對方重唔重視你感受咩？如果重視，何以一而再，再而三去講廢話拖住你，再唔係就話唔再搵ex都繼續暪住你keep contact。

希望你打呢篇文唔係淨係為左發洩你對ex既不滿，同時都會理性地諗下，你男友都有好大責任，唔好一面倒推落人地到。自私就自私啦，包裝咁多？

Cindy Chan222

分手啦，對你輕鬆d
你男朋友根本就唔想斬清關係！
你分手對自己好d！米當施捨比個cheap精lo

細

向一個旁觀者ge角度黎睇，我覺得你唔想admit自己係第三者，所以係咁數臭佢個ex,講真，人地一齊左4年，屋企人明顯中意佢，我覺得佢賤極都有個限度。你同你男友一齊ge時候，佢同你講佢同前度拖拖拉拉，哩種情況我見太多，你對於一個識左兩星期ge男仔信成咁，我覺得你聰明極有限。無係好多男仔會同你講，係，我係有女朋友，感情好好，不過我份人淫賤，係要向出面搞三搞四，你做唔做我二奶？佢一定唔會，通常會同你講，感情有問題，女朋友對佢唔好⋯⋯俾個希望你。又或者你收埋左好多對自己不利ge野無講，play victim. 我覺得你男友應該都未前度死心，4年感情，無你睇得咁簡單，分分鐘隨時復合。
講真，哩個男仔質素如何都有目共睹，你係要痴住佢就無得怨。佢搵得一次第三者，仲有四五六，亦有可能同番個前度一齊，哩種男仔花心，博愛，同得佢一齊你就要接受，唔好諗住自己係特別，可以改變到佢。